Maraming Atenista ang kasalukuyang nakakatikim ng makulay at maunlad na “org life” sa Ateneo de Manila Senior High School. Mula SHOrSem hanggang recruitment week, ilista mo na ang mga senior na nagpupursiging palamutihan ang kanilang booth ng mga dekorasyong aagaw sa atensyon ng mga junior. Kaya huwag kalilimutang pagalain ang tingin para hindi makaligtaan ang kanilang mga gimik na hihimok sa’yong sumali sa kanilang organisasyon. Bagamat mayroong humigit kumulang 50 na mga org sa ASHS, patuloy pa rin itong nadadagdagan o ‘di kaya naman ay may nanunumbalik—katulad na lamang ng Youth For Christ (YFC) na muling binuhay ngayong taon ng core officers nito.